Duc adum per l'ospedèl de Ciavaleis: no lascion che l more

Data

19 de merz 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 19 de mèrz da les 17.00 al Palafiemme de Ciavaleis l'é n enconter con l'assessor a la sanità Zeni. Ge vel gran partezipazion de jent
Sanità - La é ruèda desche na sita a ciel seren la neva che con sabeda ai 11 de mèrz fossa stat serà l partiment de nasciuda de l'ospedèl de Ciavaleis e i servijes essenzièi coleé. Na dezijion fata a saer a l'Azienda sanitèra de Trent dal Ministèr de la Sanità de Roma per via che l repart no responessa ai requisic operatives, tecnologiches e de segureza pervedui. En vender ai 10 de mèrz per endrez de la sociazion “Parto per Fiemme” l'é stat na gran manifestazion pazifica tedant l’ospedèl de Ciavaleis per domanèr che vegne endò avert 24 ores sun 24 e 7 dis sun 7 i servijes essenzièi per duc. Ades l’é l moment del confront con la istituzions, per chest l’é stat endrezà n enconter con l’assessor Luca Zeni rua anché, domenia ai 19 de mèrz da les 17.00 al Palafiemme de Ciavaleis.
L’é emportant che sie gran partezipazion de jent da duta la valèdes, che la jent e i aministradores sie enformé inout su la situazion per no cogner creer demò a che che disc la direzion de l’Apss e l'assessor Zeni. Ge vel fèr veder che duc ge cree e che se vel salvèr l’ospedèl. No i pel jièr su la sanità de la jent.

Delpù te la edizon dl 17 de merz