Soraga doventa “di Fassa”

Data

17 de merz 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L mudament vèl demò per l’inom talian. I sentadins no cogn mudèr i documenc personèi.

Soraga muda inom e doventa Soraga di Fassa. Se trata de n mudament che vèl demò per l’inom talian ajache chel fascian resta dutun Soraga. Aldò de la lege regionèla nr 3 di 23 de firé del 2017, con efet dai 15 de mèrz del 2017, l Comun à jà defat ciapà l nef inom. Lo à fat a saer con n comunicat l’ombolt Devi Brunel che recorda che a chesta vida ge é stat dat éjit a na delibera del Consei de Comun di 29 de firé del 2016 canche i conseieres duc d’acort aea domanà che vegne mudà la denominazion del paìsc. “Le rejon che à portà a chesta scelta – disc l’ombolt – le é soraldut de carater turistich. Chest permetarà defat che l paìsc de Soraga vegne recognosciù sobito desche paìsc de Fascia da man di ghesć che lo passa fora e l didarà a na maor visibilità del lech sui motores de enrescida tel web.”

L’ombolt vel ge fèr a saer ai sentadins che no se cognarà mudèr i documenc personèi. Chisc defat arà amò valuta fin a sia scadenza naturèla, enlouta i vegnarà mudé con i neves documenc olache sarà sù l nef inom del Comun de Soraga.

 (mci)