Azident a la Fascia Bike per Bacchiocchi

Data

11 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Angern, domenia ai 10 de setember, a la garejèda de roda da mont de Moena l’atlet del Fascia Bike Racing Team l se à fat mèl e l’é stat portà coran con l’elicoter a l’ospedèl de Trent.

Burt, burt azident per Valerio Bacchiocchi angern (domenia ai 10 de setember) a la 10^ edizion de la Fascia Bike.

Entorn mesdì angern a vegnir jù da Medil, te n toch olache l’era jà asfalt l se à rebaltà con la roda, no se sà giusta coche l’à fat, e l’à smacà l cef. Sul post l’é ruà sobito l dotor che vedù l gran colp e l’à chiamà l jolier. Valerio l’é stat portà al Sènta Chiara de Trent olache l’é stat metù en coma farmacologich.

Apede Valerio te ospedèl l’é stat i amisc e atlec de roda da mont Manuel Verra e Gabriele Depaul, la sor de Valerio e sie genitores. Anché dadoman i dotores proèa al descedèr dal coma farmacologich per veder la reazions. La condizions les é semper n muie delicates.

L joen coridor de roda da mont l’é da fora, ma enciasà te Fascia da n muie de egn, l’é un di atlec miores del Fascia Bike Racing Team coordenà dal vize president de Fascia Bike Sabino Savaris.

A inom de duta la squadra e de duta la sozietà, Savaris l ge augura dut l bon e de tegnir poz ence te chesta senestra garejèda.

Valerio Bacchiocchi te na garejèda chest an.

 (vr)