Liberatore mior di taliegn a Obereggen

Data

14 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te la Copa Europa de angern l’à vent l croat Vidovic. I fascegn Federico Liberatore e Cristian Deville 8° e 13°. Setemèna che vegn l’é la gares te Fascia.

Dis de Copa Europa chisc dis te noscia Region e te noscia valèdes.

Angern, mercol ai 13 de dezember a Obereggen l’é stat l slalom strent di ic de Copa Europa – Trofeo Pichler. L venjidor l’é stat l croat Matej Vidovic col temp de 1:46.76, al 2° post con + 0,17 centeisemes de destach l’é l’austriach Marc Dibruger e al 3° l franzous Clement Noel con + 0,34.

L mior di taliegn l’é stat Federico Liberatore che l’à serà sù 8° (+0,90). L fascian da Mazin, clasc 1995 l’é stat bon de recuperèr te la seconda manche e jir sù adertura de 23 posć en classifica. L’é stat l più asvelt de la seconda manche.

L’auter fascian, Cristian Deville l’à serà su al 13° con +1,20.

Anché, jebia ai 14 e doman, vender ai 15 a Andalo l’é doi garejèdes de Copa Europa de la eles e la setemèna che vegn i apuntaments con la Copa Europa i é te Fascia per endrez del Ski Team Fascia e de l’Us Monti Pallidi.

Slalom strent de ic a Poza

En lunesc ai 18 su l’Aloch de Poza l’é l slalom strent Copa Europa de ic - Memorial Elke Pastore. Da les 10 te sala de Consei de Comun de Poza vegn fat la riunion de la juria; da les 14 l’é la pruma manche e da les 17.30 la seconda che se pel veder en direta su Rai Sport.

La premiazions les sarà sobito dò la gara junfon a l’Aloch. L’an passà l venjidor l’é stat l Svizer Daniel Yule.

Libera de eles sun Sèn Pelegrin

Dai 18 ai 21 de dezember sun Sèn Pelegrin, sul nef portoi La Volata, vegn endrezà l 1° Memorial Alberto Vendruscolo, na garejèda de Copa Europa de libera de la eles.

La sala conferenzes la é stabola per i cater dis a l’Hotel Arnika sun Sèn Pelegrin.

Ai 18 e ai 19 de dezember da les 11 l’é i alenamenc e ai 20 e ai 21, semper da les 11, l’é la garejèdes. La premiazions les vegn fates a la fin de la doi garejèdes junfon a La Volata.

Copa Europa slalom strent Obereggen

1 VIDOVIC Matej CRO     1:46.76     
2 DIGRUBER Marc AUT 1:46.93     +0.17
3 NOEL Clement FRA 1:47.10     +0.34
4 ZENHAEUSERN Ramon SUI 1:47.22     +0.46
5 STROLZ Johannes AUT 1:47.23     +0.47
6 STRASSER Linus GER 1:47.50     +0.74
7 HAUGAN Timon NOR 1:47.52     +0.76
8 LIBERATORE Federico ITA 1:47.66     +0.90
9 HETTEGGER Thomas AUT 1:47.75     +0.99
10 STEHLE Dominik GER 1:47.81     +1.05
11 BUFFET Robin FRA 1:47.84     +1.08
12 TONETTI Riccardo ITA 1:47.88     +1.12
13 DEVILLE Cristian ITA 1:47.96     +1.20
14 RUELAND Simon AUT 1:48.17     +1.41
15 MONSEN Marcus NOR 1:48.18     +1.42
16 RASANEN Joonas FIN 1:48.48     +1.72
17 HOLZMANN Sebastian GER 1:48.63     +1.87
18 SALA Tommaso ITA 1:48.65     +1.89
19 JOHANSSON Emil SWE 1:48.67     +1.91
20 JAKOBSEN Kristoffer SWE 1:48.82     +2.06
20 SCHMID Philipp GER 1:48.82     +2.06
22 KOLEGA Elias CRO 1:48.87     +2.11
23 ZLATKOV Kamen BUL 1:49.19     +2.43
24 RIZZO Maxime FRA 1:49.24     +2.48
25 BACHER Fabian ITA 1:49.62     +2.86
26 ZAMPA Adam SVK 1:50.66     +3.90
27 ISHII Tomoya JPN 1:51.26     +4.50
28 GROSELJ Zan SLO 1:51.34     +4.58
29 TREMMEL Anton GER 1:51.82     +5.06
30 VON GRUENIGEN Noel SUI 1:52.53     +5.77

37 GORI Francesco ITA 1:55.02     +8.26
DA VILLA Davide ITA DNS
TESTA Andrea ITA DNF
HOFER Alex ITA DNF
RAZZOLI Giuliano ITA DNF 

 (vr)