I Fitacartieres domana doi posć te Apt

Data

21 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A la radunanza de la sociazion l’é stat portà dant la neves en cont de tassazion.

Gran partezipazion a la radunanza de la sociazion di Fitacartieres de Fascia che enstadì à chiamà ite si sozi per rejonèr de “cedolare secca” e de tassazion ordenèra.

Dantfora la presidenta Cristina Donei à metù en consaputa i sozi che l Consei diretif ge à manà na letra a l’Apt de Fascia per ge domanèr de mudèr l statut de la sociazion e perveder doi posć de raprejentanza per la sociazion di Fitacartieres.

“Aldò de na atenta analisi da man del Comitat Diretif – à dit la presidenta Cristina Donei – se aon adat che l’é pecia raprejentatività del setor di fitacartieres (extra alberghier) delaìte di orghegn de goern de l’Apt, a despet de la gran prejenza de sozi fitacartieres, belapontin béleche l 50%.

L statut de l’Apt ades perveit la resserva demò de un conseier per l setor extra alberghier, da spartir con l setor di refugisć, escurscionisć e campeges. Chest no ne permet de esser assà raprejenté e no recognosc l’emportanza del contribut che noscia sociazion met per l’Apt e per la val entrìa. Per chest domanon che vegne recognosciù la fegura de “fitacartieres” desche compart desleà dai autres e che ge vegne garantì na giusta raprejentanza tant per i fitacartieres con Iva con per chi zenza.”

La radunanza l’é stat l’ocajion per ge portèr dant ai sozi n argoment de gran enteress e de atualità: la neves su la tassazion. L comerzialist Nicola Zanoner à spiegà a na vida scempia e chièra la desferenza anter la “cedolare secca” e la tassazion ordenèra.

De più su La Usc de papier de en vender ai 27 de oril del 2018

 (Monica Cigolla)