Sèn Jan: l Consei domana la colaborazion de duc i sentadins

Data

12 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Giulio Florian, prum ombolt del nef Comun, à jurà e prejentà duta sia squadra: “volon dar n segn de mudament per l zenter Fascia”.
N bon numer de sentadins, rué da duc trei i paìjes de Poza, Vich e Pera, à viventà con n muie de batimans l prum Consei del nef Comun de Sèn Jan, che se à binà en lunesc ai 11 de jugn.

A vidèr chesta pruma sentèda l’é stat l conseier più de età e capogrop de la mendranza Leopoldo Rizzi, didà dal secretèr Antonio Belmonte.

Verificà che no sie empedimenc, l nef ombolt Giulio Florian à fat jurament per ladin col batiman de la jent e l’à rengrazià duc, i sentadins per la stima e sia squadra per l’empegn e la desponibilità.

Florian à dapò prejentà sia squadra: apede ai assesses l’à volù tor ite ence etres conseieres con vèlch delega e encèria.

De più su La Usc stampèda de vender ai 15 de jugn.

 (lg)