Cianacei, sabeda ecologica

Data

16 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na dì per stravardèr noscia Val
En sabeda ai 9 de jugn l’é stat endrezà via dal “Canazei Events” na dì en cont de l’ecologìa, per smaorèr l sentiment e l spirit a respet de la natura e de l’ambient.

L’é encomai egn che chesta scomenzadiva vegn endrezèda, doventan ti egn n apuntament fis tel calandèr de la manifestazions de Cianacei, con chela de neteèr no demò l paìsc ma ence dut l raion entornvìa dai jouves de Sela, Pordoi e Fedaa.

Sveiarin da bonora per la jent che a dezidù de tor pèrt a chesta scomenzadiva e che se à binà ensema ence chest an, duc col medemo zil: rencurèr l teritorie e tel medemo temp ge trasmeter ai bec l ge voler ben a dut chel che revèrda noscia val.

Na gran sodesfazion per i organisadores, che i se disc stolc de ge portèr dant ai ghesć che rua na val bela neta, palesan e marcan endodanef la forta sensibilisazion ecologica di fascegn.

Svilupèr na coscienza ecologica l’é n doer fondamentèl de vigni sentadin, coscita da ge n vegnir sora a duta la problematiches ambientèles de anchecondì e per fèr scì che vigniun de nos se n’ascorje che, tras n fèr responsabol, se pèl contribuir a na val miora da vigni pont de veduda.

De segur na endesfida neto nia sorida, ma che de gra a scomenzadives desche chela de sabeda, pian pian e pas a pas, pel se concretisèr e doventèr realtà.

 (Alison Prinoth)