Premiazion di atlec del “Ski & Ice College”

Data

17 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Gran sodesfazions anter i atlec-studenc de la Scola Ladina de Fascia
Anter notes de la fin de l’an e l temp di ejames de matura che se arvejina semper più, la Scola Ladina de Fascia à volù premièr i studenc del “Ski & Ice College” che aboncont i se à fat lèrga anter i miores atlec taliegn via per la sajon sportiva 2017-2018. N apuntament che vigni an, aló da la Sorastanza de la Scola a Sèn Jan, bina ensema i atlec-studenc e duc i tecnics che ge stèsc dò, ge dajan luster e palesan i resultac che é stac arjonc.

Tiziano Mellarini, assessor provinzièl a la cultura, cooperazion, sport e protezion zivila, Angelo Dalpez vizepresident vicarìe de la Federazion Talièna Sport da d’invern e Matteo Iori, assessor al turism, politiches di joegn, economìa, comerz e artejanat del Comun general de Fascia, à tout pèrt a chesta scomenzadiva, smaoran de gra a si prejenza l’emportanza e l relief de l’event.

Na proponeta educativa, chela del “Ski & Ice College”, che deida a fèr conviver tel medemo temp scola e sport te la vita di joegn sportives, che i cern la strèda del sport a livel agonistich, ma che i vel ence jir inant con si studies.

Anter i sessanta bec del projet, l referent didatich Stefano Ellecosta, ensema al responsabol tecnich  Marco Costazza, à sotrissà i resultac dassen de valuta arjonc via per l’an. 

De più su La Usc di Ladins stampèda vender ai 15 de jugn 2018.   (Alison Prinoth)