Super Maratona su l’Etna, che emozion!

Data

10 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Adele Pollam ne conta de sia esperienza sportiva e de vita sul Vulcan de la Sicilia: É tout part a la competizion spenta da la pascion per l sport, da l’amiciazia e da l’amor per recordar mie cariscim “cikolo”.

Canche con mie spezial Dino fajaane valch garejada fora da Fascia, l me dijea “cikola scrivi su La Usc di Ladins”. Coscita scrive de chesta mia esperienza no demò per la condivider coi letores e con mi compagnes de viac, ma ence per tegnir vif so recort.

Ence chesta uta nosc gran amich Carmine Tomio da Ciastel l’à endrezà l viac. L’a binà ensema n grop de 17 persone, con n muie de ele e de ic me aee troà te la Svezia per la Vasaloppet e la Vasastafetten, autres i era neves, ma l’é stat desche se fossane amisc da semper... l sport e le emozion “met ensema”!! Eraane gio, Carmine Tomio e soa femena Rita Nones, Marco Volcan da Tieser (nosc autist ajache no l’à podù corer per via de n jeneie malmetù), i frades Ezio e Efrem Folgarait da Roveredo, fies de Agnese Soraperra da Cianacei, Daniela Zanon da Tieser che jà cognoscee per via che l’à metù a jir dal 2003 la sociazion Bambi, Anna Tasin da Cadine, mia amica e compagna de schi e de corsa, Paolo Bort e Renzo Mittenpergher da Isera, Marina Caracristi e Domenico Catalano de Roveredo, compagnà da soa femena Enrica che ne à fat l tifo sun dut l percors, Mauro Dallacosta e Nicoletta Ferrari da Besenel, Paola Leonardi da Ala, Chiara Caminada da Brienno (Como), na atleta dalbon forta, tant de fisich che de cef e cher.

De più en cont de la garejeda su La Usc stampèda en vender ai 6 de messèl  (Adele Pollam Tonelli )