Esser raprejentant di joegn tel Consei de Europa

Data

13 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Congress di Poderes locai e regionèi à metù fora n bando de selezion per tor pèrt a sia sescions anuèles a Strasburgh

Co laorela na istituzion internazionèla? Che fèjel l Congress di Poderes locai e regionèi del Consei de Europa? Per duc i joegn enteressé a cognoscer miec chesta realtà l’é vegnù fora n bando de selezion per tor pèrt a la sescions anuèles de chest Ent.

L Congress di Poderes locai e regionèi del Consei de Europa (CPRE) raprejenta presciapech 20.000 Autoritèdes locales ti 47 Stac membres de chesta Organisazion internazionèla e l’à na encèria n muie emportanta te la promozion de la democrazìa a livel local e tel svilup de l’autonomìa de la istituzions locales e regionèles.

Dal 2014 l Congress ge à dat l met a joegn lurieranc, studenc e aministradores dai 18 ai 30 egn de tor pèrt a sia doi sescions via per l’an, ge metan apede i delegac nazionèi e svilupan, te si teritories da olache i vegn, projec de informazion e debatit local respet ai temes che vegn descoret fora endèna i lurieres de l’assemblea.

Ajache l’é de gran emportanza che i joegn vegne engaissé a la vita publica locala e europeèna, col sostegnir la partezipazion a oportunitèdes de crescimonia e confront, l’é stat avert endodanef l bando de selezion per la partezipazion di joegn a la sescions anuèles del Congress di Poderes locai e regionèi, che sarà dai 2 ai 4 de oril e dai 29 ai 31 de otober del 2019 a Strasburgh.

I joegn selezioné arà l met de tor pèrt ativamenter a duta does la sescions de lurier, a la ativitèdes per se enjignèr e al svilup de projec te si teritories, sot l patrozinie del Consei de Europa. L’Organisazion internazionèla se tolarà sù la speises de viac e de soranet di partezipanc.

Esser n raprejentanc di joegn per n an entriech l’é na oportunità unica per se vadagnèr na esperienza internazionèla, ruèr a fèr pèrt de n grop de joegn ativisć, fèr rei e poder stimolèr politicamenter i sentadins dal pont de veduda di joegn.

Per tor pèrt al bando de selezion ge vel se enscinuèr diretamenter al Consei de Europa dant dai 17 de setember. Per aer maor informazions se pel se oujer al Comun general de Fascia, ti Comuns de Fascia o al Consorzie di Comuns Trentins.  (mci)