Ahah, Cianacei grigna!

Data

21 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Via per l’istà Canazei Events ge à sport a ghesć e fascegn doi spetacoi de nonzech e duc da grignèr. I Panpers e Scintilla, comics de Colorado, se à moscià con n gran suzess

Dò na longia giornèda de lurier, bendeché se se buta jù sun canapé per se pussèr dal strach e capita de se perder dedant a la televijion. Zacan a Cianacei, via per chest istà, la televijion é vegnuda adertura a ne troèr, de gra al gran lurier de Canazei Events che se à dat jù per ge dèr per nia ai ghesć e a la jent de Fascia n picol, ma dassen gustegol, tochet de televijion talièna.

Al prum de aost é ciutà te val na gran cobia, doi comics de nonzech che se à fat cognoscer tant sun televijion che sul web: i Panpers.

No l’é passà trop e l bis l’é ruà con n auter artist de nonzech. Gianluca Fubelli, Scintilla l’inom d’èrt, ai 29 de aost l’à portà te na Piaza Marconi piena de jent valgugn de si personajes.

Duc i artisć à palesà gran sodesfazion de esser te Fascia. I à fat i compliments per noscia bela crepes e per noscia maniera de fèr e de ge dèr alberch ai foresć. Belebon donca, sion contenc de ge aer dat n bon albèrch. Ic i ne à paa con la moneida più preziousa: la grignèdes.


De più su la Usc nr 36 stampèda ai 14 de setember

 (Daniele Verra)