Fora da la scolines i bec no encalmé

Data

12 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Col prum de otober la families à cognù se endrezèr autramenter. A Moena e tel comun de Sèn Jan l’é stat metù sù n spazie de sozialisazion 

En lunesc al prum de otober se à avert endodanef te Fascia i ujes de la scolines dò la paussa del meis de setember.

I pìcoi contenc à endò podù jir a se mateèr con si compagnes. N’é stat purampò n grop che no à podù ite per i ciancìe de la scolines: l’é i bec “no conformes” descheche i vegn chiamé, i bec che no é en regola con la vazinazions.

La lege 119, aproèda dal Goern nazionèl de messèl del 2017, disc che per poder scriver ite a scola i fies da 0 a 16 egn se cogn ge fèr fèr diesc vazinazions obligatories, autramenter i bec fin ai 6 egn no pel jir a la scolina e per i etres i genitores cogn paèr strafonghes da 100 a 500 euro. I genitores ben segur pel se meter en regola coi vazins e endèna manèr i fies a scola.

La Sorastanta de la Scola Ladina de Fascia Mirella Florian à dit che la istituzion scolastica cogn respetèr la lege e per chest ge é stat manà ai genitores di fies che va te la scolines de sia competenza, donca cheles provinzièles de Cianacei, Pera e Soraga, e che no é en regola con la vazinazions, na letra per i avisèr che con l prum de otober no i aessa più podù portèr si fies a scola. “La scola à ence chiamà personalmenter i genitores – à dit la Sorastanta – per endrezar na scontrada de chiariment de la normativa. Valgugn se à jà metù en regola, autres à preferì no manar i fies a la scolina e se i tegnir a ciasa.”

De più su la Usc nr 40 stampèda ai 12 de otober

 ((mci/lg))