La litazions te la Provinzia de Trent

Data

20 de otober 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Se lita doman, domenia ai 21 otober da les 6.00 a les 22.00

En domenia ai 21 de otober 427.450 litadores vegn chiamé a litèr l nef President de la Provinzia de Trent e l nef Consei provinzièl. Se pel litèr da les 6.00 da doman a les 22.00. Ai litadores ge vegn consegnà na zedola olache l’é su inom e cognom de duc i candidac presidenc e i simboi de la listes coleèdes. Apede l’é l post per palesèr doi stimes de preferenza, no obligatories, scrivan ite inom e cognom di candidac. La neva del 2018 preveit la dopia preferenza: se i litadores palesa doi stimes, cogn esser n om e na femena autramenter vegn anulà la seconda preferenza. Se pel litèr metan na crousc sul simbol de la lista cernuda: a chesta vida la stima va a la lista e al candidat president; con na crousc su l’inom del candidat president, opura con na crousc tant sul simbol de la lista che su l’inom del candidat president, coleà a la medema lista.

Fascia l’à derit a aer n raprejentant ladin de derit te Consei provinzièl: aldò de la lege sarà Conseier l più lità te la lista che ciaparà più stimes te val. Per palesèr la preferenza a n candidat fascian donca l’é da meter la crousc sul simbol de lista e scriver fora l’inom e l cognom del candidat.  ((mci))