Nia èlbres da Nadèl, ma no duc é d’acort

Data

06 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Vèlch Comun à dezidù de no i dèr fora chest an per dèr n segnèl simbolich

La era vegnuda fora sui social sobito dò aer vedù i dans porté dal catif temp de la fin de otober, la provocazion de no fèr l’èlber da Nadèl chest an. E ades la é stata touta sù desche na dezijion ofiziala da na pèrt di Comuns de la val. L prum che à manà fora la comunicazion l’é stat l’ombolt del Comun de Soraga Devi Brunel che tras na letra a si sentadins l’à fat a saer che, aldò de l’event che à fat crodèr na gran cantità de èlbres te nesc bosć, l’Aministrazion de Comun à dezidù de no dèr fora chest an i èlbres da Nadèl.

“Aon tout la dezijion ensema a valch auter ombolt per n descors de sensibilisazion – à dit Devi Brunel. No conta nia se lamentar che l’é vegnù jù mez bosch e dapò seghitar desche inant. Na piantina per ruar a na auteza giusta per far l’alber da Nadal la cogn crescer 7/8 egn e donca per noi chest an l’é n pecià taar jù autres 50 albres, tel davegnir podessa menciar la ripresa del bosch e donca ge vel l tutelar. Chest tant fin che no se capesc l real dan del bosch e le soluzion che se pel tor. Noscia scelta la é ben segur simbolica ma ne saeva giust la tor.”

De più su la Usc nr 47 stampèda ai 30 de november

 (Monica Cigolla)