Su le pedie del “Postino di Montagna”

Data

13 de fauré 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N documentar metù a jì da valgugn jovegn de l'Emilia per ciatà fora i luoch ulache l à laurà l regista Adolfo Baruffi. Nanter chis incia Col con suo “Postino di Montagna”.

Ruà sa Col per vegnì a cugnesse e ciò ju i luoch ulache “Il Postino di Montagna”, cugnessù documentar fat da Dino Buzzati, l eva stà fat ju ntel 1951: chest chel che l'à fat sot la nef dal 9 al 11 de febraro la New Este Film e la Theater 7/2 productions de Ferrara ntel pico pais da Souramont. Chest per dà fora nte sto 2017 n film de 50 minuc su la vita de suo regista, Adolfo Baruffi. Nassù e cressù su a Ferrara, ntei agn ulache l à laurà ntel mondo del zinema come regista, documentarista e critico Baruffi l é semper stà lié a personagi importanti: Dino Buzzatti, Pier Paolo Pasolini, Luis Trenker e con chis l ava metù auna na ventina de film pi o manco lonch. Na vita de laor sua che la eva inviada via del vars den davignì bel, important e de valuta e che la s'à fermà de bot, foradenia, ntel 1957 a gauja de “Paternicilina”, n fim logà ju a Ferrara dat fora ntel lingaz da la ju che per chi agn l eva stà vedù massa scandalos, na produzion che l ava portà l regista a se tirà fora del mondo del zinema e a jì nte na botega a vende ciauzar.

 (Giulia Tasser)