Alberto ciapà a pedade da n manz

Data

14 de merz 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L joven bacan da Col Alberto Agostini l é ruà n ospedal a gauja de valgune pedade che l à ciapà da n manz.




Dut l é suzedù inier da doman, intor le 11.30. Alberto Agostini, joven bacan da Col de 34 agn che da n puoz de agn l manda navant a Selva auna al fradel Piergiorgio l'azienda agricola “Milchhof Agostini” l eva jù a S. Fosca per portà n manz a fà copà. Ruà nte S. Fosca l é suzedù la malora: canche l à fat per ciò ju la bestia dal mezo, chesta la i à tirà na pedada seca davant su, cussì seca che Alberto l sarave tomà ja bas e l sarave ncora stà pestà da la bestia. Sul luoch l é alora stà ciamà l elicotero del Suem de Pieve de Ciadore che l à delongo portà l joven al ospedal de Belum. Da le ricostruziogn somea che Alberto l abe capì dut, che no l abe pardù coscienza e che no l siebe in pericol de vita, ma l colp sech che l à ciapà davant su, bel davijin dal cuor l à cruzié no puoch i dotor del ospedal che proprio per chest i à deziso del tegnì in rianimazion. La bona nte dut chest l é che a la fin la bestia la é mpò stada portada a fà copà, proprio come che l eva stà pervedù. Alberto l é n joven che, sebenche l l vive e l laore a Selva, l é atif nte la vita del pais da Col. L é ncora un dei puoz jovegn che l se dà ju con sua stala per fà fen e tignì neti i prai e, auna a chest, oramai da agn l é incia atif ntei Studafuoch da Col come volontario. Nte sta malora dut l pais da Col l se strenz dintor a la famea.

 (Giulia Tasser)