Reba: rimorchio se rebalta nte ru. Sloversada nte iega emulsion per asfalt.

Data

11 de mei 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
REBA. Rimorchio den camion peia via da sol e se rebalta ntel Cordoul. Sloversei nte ru envalgugn litri de emulsion per asfalc che l'eva nte doi bot sul rimorchio. L' inzident, che per na bona no l a bu conseguenze peso, se no n alarm a l'Arpav per n alarm da incuinament l é suzedù encuoi davomesdì entourn le 5 sa na Reba. N gros rimorschio de chi che ven dourei per porté entourn scavatori o autri mesi che l eva parchegé ntei piazai damprò a la stazion japé dei lifc de Chël Vësco, per gauja che no se cugnësc, forsci perciéche s'a rot i freni, l é pié via da sol e l é rué nte ru. Nte sua corsa senza control l meso l a fat zirca 30 metri, per na bona senza peté nte machin o peso encora ciapé sot persone, davánt de jì ju per la scarpada e se rebalté nte ru. Col rimorchio s'a rebalté ence le doi bot de plastica che l eva lasoura e che i ava ite na emulsio che ven dourata per traté l asfalt. Da chël che s'a podù savei demè una de le doi l'eva cuaji plena e na pert de la sostánza laìte l'é ruada nte iega. Sul post i é entervegnus i studafuoch volontari da Fodom con 6 omegn. Constaté che l eva vignù froa chësta sostánza, da la zentral dei studafuoch de Belum l'é pié via l alarm a l'Arpav per verifiché che no siebe problemi de incuinament. Per chëst na scuadra de studafuoch i é jus ence chelche chilometro plù njù, n localité Fondovalle, per monitoré se se vedëva velch soura la iega via. Entourn le 8 da sëra l gros rimorchio l é sté trat su co l'autogru dei studafuoch vignuda da Belum su. ( ls )