"Armonie de Voci" nte la gejia da Col

Data

08 de agost 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L coro parochial S. Iaco de la Plié da Fodom, l'ensemble vocal "Kropya" e l coro parochial de Col duc auna insera per n bel conzert che s'à tegnù nte la gejia de Col.
Na trentina de centarign del decanat da Fodom che per n ora i à centà insera nte la gejia da Col le pi bele e desferente canzogn. La sera l'à metù man coi Kropya che i à centà l' "Ave Maria" de Thomas Luis de Victoria, l "Halleluja" de Leonhard Cohen, l "Padre Nostro" de Nikolaj Kedrow e "Witness" de Jack O'Halloran. L è vegnù darè l coro da Col con "Maria Lassù" de Bepi de Marzi, "Jesus bleibet meine freude" de Bach e la verson de "Oh munts y vals ladines" arrangiada da Andrea Tasser. L à sarà via la sera l coro parochial de La Plié da Fodom con "L và a Florì", adatament ladin de la canzon "San Salvatore" de Don Italo Bianchi, l "Laudate Domino" de Capar Ett, L "Kyrie" de la Missa Stella Maris de Peter Griesbacher e l "Iubilate Deo" de Marco Frisina. A mez ite l Preludio da "Preludium et fuga pro organo pleno" in si minore BWV 544 de Johann Sebastian Bach sonà dal organist da Fodom Oscar Nagler e a la fin, duc auna, l "Ave Verum" de Mozart.

(De pi su la sera nta la Usc de vender 11 de agosto)