“Valpe la é passada a tirà su le scuaze demà na ota nte trei mes”

Data

20 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Nte le fraziogn de Costauta, Ru e Pont a Col l servije porta a porta per tirà su le scuaze no l funzia. L'ente dis che sarave la jent che à da portà i bidogn jun stradon. La jent “Se on da fà chest, redujene almanco la cuota da pagà”.

Che le robe con Valpe no le jisse daperdut pulito se l ava capì; ma che nte zerti luoch dal prim de luio navant, darè desferenc reclami, la dita la siebe passada demà na ota a tirà su le scuaze l é l colmo. Chest n'à contà Umberto Kerer, artejan da Col che proprio sun Costauta l à sua berstot e, nte calche mes, incia la cesa finida ulache l podarà jì a vive con sua famea. “L sol bidon che i é vegnui a desvoità dai prim de luio navant l é stà chel de la plastica l 16 de agosto parceche, darè che son ju a reclamà desferente ote, l é ruà su l laurant de Valpe col vigile comunal a me l desvoità – ne conta Umberto - ma ades l é da nuof dut pien, l secco grazie a dio no l ai pi de tant duorà, ma co la carta ai bù da me rangé autramente. Pos dì che ntel zentro le robe le và pulito; mi de cesa stai ncora ja Pien e ilò, sun or de stardon, l servije l é regolare; l é foravia che l é i problemi”.

(De pi su sta cuestion nte La Usc de vender 22 de setembre)

 (Giulia Tasser)