Dolor a Fodom per la mort de Benigno Pellegrini

Data

15 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Incuoi da doman Fodom l s'à dessedà con na burta nuova: Benigno Pellegrini, meo cugnessù da duc come "l Benigno" o l "Benigno Gobo" l é vegnù a mancé sta not al afet de suoi fioi e de duta sua famea a l'età de 91 agn. Na vita la sua spenduda per la mujiga e la cultura fodoma: per pi de 50 agn prima centarin e po diretor del coro de gejia S. Iaco de La Plié da Fodom, ntel 1972 l ava metù n pe l Coro Fodom, coro dei ei che proprio l an passà l à regordà suoi prim 45 agn de atività. Per l suo forte impegn ntel cemp musical e cultural de sua val, n ocajion del di de l'Unità Ladina tegnù a Corvara ntel luio 2017 l eva stà nominà membro de onor de l'Union Generela di Ladins dla Dolomites. Tanc l ava ncora vedù content e commosso domenia a Reba a la prejentazion del toch "Tiera Ladina" sonà da la Banda da Fodom. Con sta trista nuova, Fodom l part na istituzion, na piera miliar de sua storia, de sua cultura e de sua val. Duta la redazion de la Usc di Ladins e la Union Generela Di Ladins dla Dolomites la se strenz dintor a la famea e ai parenc nte sto trist momento de dolor. Apena che se savarà valch de pi, ve lassaron savè luoch e ora dei rojare e de la sepoltura.