Tëmp de Covid nce 19 per la scolines

Data

08 de auril 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Nce la scolines ie a cësa, maestres y pitli ie a cësa, ma n cëla mpo de mantenì l liam che ie unit a s’l dé via per l ann.

L ie n tëmp ulache duc muessa sté a cësa, n tëmp da pensé y de festide. Mpo pudons dì che l lëur per vel’ categuria va inant y nsci nce per l personal pedagogich dla scolines. Per chësc coche per trueps d’autri ne n’ie chësc nia tëmp liede, nce sce l ne n’ie deguni te scolina.
L personal ie a cësa ma cun l pensier pra la programazion, la reflescion, la documentazion, la furmazion tres l computer y dantaldut pra i mutons y la mutans. Uni di vëniel fat zeche de utl per l lëur de scolina y nce pensà cie ti fé avëi tres la rë digitela ai mëndri che n udova nchin nia da giut uni di.
Vel’ una scrij de blòta poejies, vel’ autra conta unitant na pitla storia o manda vel’ pitla idea da pastelné deberieda te familia, o mé n salut y »co vàla pa?«
La criatività ie for stata n fortl dl personal pedagogich y nsci, se baratan ju ideies y pensan ai mutons y ala mutans, vëniel for inò ora zeche de blòt da ti mandé inant ala families.
Ntan dut l ann de scolina, che n à passà deberieda, àn costruì n liam de fidanza y de respet, sibe cun i mutons y la mutans che nce cun la families, perchël ti sta a dutes a cuer l bënsté de duc y nsci cëlen de mantenì l cuntat tres i mesuns che la tecnologia moderna pieta, che autramënter ne n’iel nia mesun al mumënt.

Monica Schenk