Mesa Maratona ntëur Saslonch y Sasplat

Data

16 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tosc iela tan inant: i pasciunei de sauté da mont su, ma nia mé, possa fé pea pra la bela mesa maratona ntëur Saslonch y Sasplat ai 9 de juni. La USC à rujenà cun Elmar Perathoner, dl cunsëi di urganisadëures, i Runners Gherdëina, de coche la ie unida a s’l dé y ciuna che ie la finalità ma nce la deficulteies che ie dovia

USC: Can nasc pa l’idea de fé na tel garejeda, na Mesa Maratona ntëur Saslonch y Sasplat?

Elmar Perathoner: Ti ani passei ons for urganisà la garejeda da valeda su nchin sun Secëda. Ultimamënter ons udù che l fova for manco y manco iscrizions. Chësc taca adum che l ie mé n tanc de boni te nosc raions de sauté da mont su, y che l ne n’ie nia mé nosta garejeda ma nce d’autres, y nscila se spartiva su l potenzial di cuncurënc. Mé per dì ans ultimamënter 130 che à fat pea, cun cënt ulenteres che à judà pea a la mëter a jì. La relazion ne sta nscila nia plu mpe.


USC: Y co iel pa pona unì mudà?

Elmar Perathoner: L’idea ovi bele purtà dant dan n doi ani te cunsëi, tl prim ne fòvela mo nia madurida, l à durà n struf. Ma śën iela tan inant. L’idea che ove purtà dant ie de tò ca l Saslonch coche simbol de Gherdëina, cun na mesa maratona ntëurvia che va suvier y juvier, che ie na formula che tira deplù che no mé sauté dut suvier. Per nfurmazions y per iscrizions: www.saslong.run. Sun Secëda fova l percurs scialdi rie, dijësse massa rie. Nscila jìvela de abiné n percurs plu plajëul, sce posse dì nscila, metan oradechël adum la luegia ulache n pëia via y n ruva inò te travert. Chësc ie dal pont de ududa logistich dut ntëur plu saurì, sun Ciandevaves/Pana a Santa Cristina ulache l ie partënza y travert iel nce na bela plaza dai auti, l ie nce do la rata saurì a dé ora da bever y da maië.

Deplù tla USC stampeda di 25 de mei.

Sun la fotografia l Saslonch y l Sasplat.

David Lardschneider