N mei frëit

Data

13 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Sëlva - Tëmp y temperatures ntan l mëns de mei te Sëlva, museredes te na luegia a na autëza de 1.595 metri:

L mëns de mei ie stat plu frëit che chël dl ann passà, cun 9,55 gradi de mesana, permez ala mesaria de 10,23 C° dl ann passà, y nscila de 0,68 C° sot ala temperatura dl mëns de mei dl ann passà.

Mpo ie l mei de chëst ann stat mpue’ sëura la mesana di ultimi carant’ani. L di plu frëit éi muserà ai 16 dl mëns, cun na mesana de 4,33 C° y na minima, for ai 16 de mei de 0,00C°. L di plu ciaut éi muserà ai 26 dl mëns, cun 14,67 C° de mesana y na mascima for ai 26 de mei de 21,00 gradi.

L mëns à scumencià sun l mesan y burt, y nsci iela jita inant nchin ai 31 dl mëns. N tëmp che à fat crëscer la ierba da pert da dumbria, ma nce da pert da surëdl.

L à nevët un n iede, ai 16 de mei, ju nchin ai 1.700 metri de autëza, cun 14 cm de nëif ntëur ai 2.200 metri de autëza. Mé per dì: tl 1972 fòvel tumà de mei bën 45 cm de nëif te paesc.

N possa dì che mei ie stat n mëns burt, cun mé un n di de dut sarëinn, dodesc de mez y mez y bën 18 dis de bur’ tëmp. Dodesc dis iel stat da vënt. Pluët àl truep: 32 iedesc de ndut, cun 134 mm de ciadeda dut adum. L à pluët 29 dis de 31 dis. Un n di fòvel bruma daduman.

Ai 31 de mei da sëira fòvel tarënt nchin ai 2.600 metri de autëza. Cun l mei à l tëmp valivà ora l bel mëns de auril 2018.

Aldò di meteorologs messëssa l juni mo vester mesan-burt, ma de lugio y agost mpue’ miëur, cun danterite plu dis de gran ciaut.

Sun la fotografia iel da udëi n pra y ciofs sot al Jëuf de Sela ju.

Josef Mussner

Galaria retrac