Tonino va n pension

Data

15 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
“Ma cie fajons’a zënza té, Tonino?” - Nscila truep sculeies, truep nsenianc dl Lizeum d’Ert de Urtijëi, canche Francesco “Tonino” Caterisano jiva n pension, dan n valgun dis. Mpue’, ma propi mé mpue’ l ài dit per maniera, ajache se nmaginé l Lizeum d’Ert zënza Tonino Caterisano ie propi zeche de rie 

A Tonino: de gra, dut l bon y ad multos annos: nstadì ie Francesco “Tonino” Caterisano jit n pension. Na vita per l lëur, la scola, per l sport ma dantaldut per si familia, de ot mutons! Tonino, plu che na persona, na istituzion, che à tratà i sculeies, ma nce i nsenianc, for coche persones, i sculeies mpue’ coche si mutons. Ajache de mutons y de mutans se n ntëndel, Tonino: Samuele, Simone, Maddalena, Daniele, Veronica, Chiara, Andrea, Jacinta. Bën ot ie la mutans y i mutons che si fëna Roswithe Senoner de Urtijëi ti à dat. Na scincunda, dla fëna, ma nce de Chël Bel Die, coche dijëssa Tonino, da for incà mplenì da na gran fede, da n gran spirt, che plu che la pruvidënza sàl che l ie Zachei de Majer, cassù che nes mëina.

Deplù tla edizion stampeda dla USC.

Sun la fotografia: Francesco “Tonino” Caterisano à trat ora l gurmel da bidelo, per jì n pension.

David Lardschneider