Ëila morta a Santa Cristina: mazeda?

Data

14 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Segur ne n’iel nia. Ma l semea che l’ëila de Parma che ie unida abineda (ncuei) merdi ai 14 de agost te si majon de n hotel de Santa Cristina sibe unida mazeda da si uem, che à purvà a se n mucé. L uem ie tosc unì pià y unì dsarà via te perjon a Bulsan.

Tantes pa mo?

Sce l se trata inò de n uxorizide, pona vàl a slungë la lingia longia de caji tla Talia ulache l uem maza si fëna, a desmustrazion che i ëi ne à mo nia sapù da azeté che la fëna ne n’ie nia na si puscion y che canche la ne buta nia danter doi pona iel da s’la fé ora a bones, nce a ries da mé ora, ma mei y mei cun viulënza fisica y psichica, y mo manco cun l mazé la fëna.

Canche l cervel vën destudà

L ne resta che da dì: puere ëi, che destudëis l cervel canche l cuer ne juda nia plu pea. O mo miec: plu che de cuer se tràtel, pra vel’ uem y ël, dl ego massa grant pra na persunalità massa pitla, ego che ne uel nia lascé pro che l vënie tucà negativamënter.

L dutor dl Aiut Alpin (foto) ie chël che à cunstatà la mort dla puera ëila de Parma, unida su te Gherdëina per n valgun dis de vacanza, per messëi unì meneda te vascel a cësa.

David Lardschneider