Artejanat: "N iade él da sté calms"

Data

04 de auril 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La situaziun "coronavirus" atoca ince l’artejanat, che mëss s’archité por plü edemes y é confronté cun les conseguënzes de na sajun turistica che s’á rové n mëis denant. La minunga dl presidënt de AVB Isidoro Clara
Isidoro Clara é presidënt dl’assoziaziun Artejanat Val Badia. A d’ël ti unse damané na süa impresciun de chësta situaziun che s’á cherié. Al baia de un n vers "de na dramada" por les dites, mo dl ater vers inviëiel da mantigní la calma. Süa critica vá ince cuntra le sistem, che ne ti pormët nia ales dites da se mëte ia valch y cherié insciö n "plomac finanziar" por suravire i tëmps manco bugn.

La Usc: Isidoro, le coronavirus á archité por plü edemes les dites artejanales dla valada, la sajun turistica é jüda a piz n mëis denant. Na osta impresciun sön chësta situaziun particolara?
Isidoro Clara: Impröma mësson dí öna na cossa: la sajun é jüda a piz n mëis denant y chël é zënzater valch che ne se plej gnanca a nos. Dal’atra pert mësson dí che ara é impó ciamó jüda bun, che la sajun á podü doré chi 3 mëisc y an pó dí che ara é ciamó jüda. Sce an pënsa a chi dl "Lond", da Balsan y Maran ite, olache le virus é gnü dan süa sajun prinzipala, él sigü por ëi n dann cotan maiú.

Ci conseguënzes ará pa da Os infora chësta architada totala por l’artejanat local?
Sambëgn arára ince conseguënzes por l’artejanat. An á ince bele aldí che cer’ laurs é gnüs desdic. Les conseguënzes ne sará magari nia atira da sintí, deache tröc á ciamó da rové ia laurs che ai á metü man l’ann passé. Plülere me dál da ponsé ci che sará dedó.

Döta la intervista ciafëise t’La Usc di Ladins di 3 d’aurí 2020  (Intervista: Pablo Palfrader)