Les barieres é tl ce

Data

16 de fauré 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Judith Obwegs é nasciüda y abitëia a Al Plan de Mareo. Ara é la compagna de Fabian Kennedy y uma de dui de pici mituns. Fabian vëgn dla Jamaica y é scür de pel, i mituns é mulac. Ara nes á cunté dla situaziun canche al é rové adalerch, co che ara é stada da chirí laur y de valgünes reaziuns dla jënt.
Al ê öna dles ultimes sabedes danmisdé ch’i ê cun mi möt Timo jödapé dl Miara, olache les pistes dai schi d’Al Plan pëia ia. Le pice sogâ tla nëi y tlafinada vëgnel pormez ince Malik. Intrami é d’Al Plan, intrami dl medemo ann; ai é nasciüs dl 2015 y te val’ ann jarái bonamënter deboriada ala scolina, plü inant ince a scora. Timo á la pel lominosa, Malik é n pice mulat. Chësta é la sora desfarënzia. I dui mët man da soghé deboriada. Ai se fej aices, ai se dá val’ sbürla, ai se brodora tla nëi. I dijess che al ti sá bel.

Sot la löm dles discusciuns por i muciadus, me pënsi danter me y me: ciara ciara, pordërt ne n’á i pici mituns de natöra bëgn degun problem sce un é ”atramënter”, gnanca sce al á n ater corú dla pel. Ai se vëgn y se strita sciöche ai le fajess cun n ater. A süa manira se capësci, a süa manira viri deboriada. Al mëss ester che la desfidënza ti vëgnes mazada tl ce cun le tëmp.
Nia dalunc él ince la uma de Malik, Judith Obwegs. I partësci cun ëra chësc mi pinsier, deache i sá che ara vir da n ann y mez cun n jamaican: Fabian Kennedy (l’inom Fabian vëgn pronunzié ala ingleja). Ël é scür de pel. Deboriada ái dui mituns y stá a Al Plan; Fabian laora a Pidrô. Judith mët spo man da me cunté de co che ara é stada, canche so compagn ê rové adalerch, da jí a chirí laur, da tigní fora les odlades di atri. Ara n’é nia dagnora stada saurida. I ti feji la proposta sce ara oress partí süa esperiënza cun i leturs d’La Usc.

T’La Usc di Ladins di 17 de forá podarëise lí plü avisa ci che ara á respognü te nosta intervista.  (pablo)