Vijo y Merch: martiri ladins

Data

18 de merz 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ince ladins che á dit de nou al nazism á messü la paié cun süa vita. En gaujiun dla beatificaziun de Josef Mayr-Nusser, orunse i recordé.
La sabeda ai 18 de merz vëgnel beatifiché tl dom da Balsan Josef Mayr - Nusser. Ël ê gnü cherdé a fá pert dla SS al tëmp dl nazism, mo â refodé da dé le joramënt, por rajuns de cosciënza. Porchël êl gnü condané a mort y ess messü gní stlopeté a Dachau. Mort él bele sön tru, te na ferata, por gauja di gragn strabac. Mayr-Nusser n’é nia le su che á dit de nou al nazism. Ince pro i ladins n’él sté de chi che á refodé da sorví la mascinaria de mort dl nazism. Y ince pro i ladins n’él de chi che l’á porchël paiada cun süa vita. I orun recordé chiló en particolar Vijo Alfreider da Antermëia y Merch Dapunt da Badia.
Vijo Alfreider ê nasciü de dezëmber dl 1926 a Antermëia y é mort ai 17 de merz dl 1945, borjé ví te furn, tl logher de Buchenwald. Merch Dapunt ê nasciü ai 24 de merz dl 1923. Ël é gnü stlopeté ai 29 d’agost dl 1944 a Kortsch, na picia fraziun da Solaneres. Süa stlopetada dê ester de ”ejëmpl” por düc i atri che n’ess nia orü sorví le rejim nazist.

T’La Usc di Ladins di 17 de merz ciafëise döta la storia de chisc dui martiri ladins, che á messü morí tan jogn.  (pablo)