Sara Ghezzi: a studié tl’America

Data

18 de auril 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Sara Ghezzi da San Ciascian á tut la dezijiun y la ocajiun da jí a studié n ann tl’America. Ara é pro na familia dër jona a Sahuarita, tl’Arizona.
Nos un tut sö contat cun Sara Ghezzi, por ti damané deplü sön chësta süa esperiënza particolara. Na esperiënza che ara ti aconsiass a düc chi che á la poscibilité.

La Usc: Sara, dantadöt, poste nes dí valch de te, por nüsc leturs che ne te conësc nia?
Sara Ghezzi: I sun Sara Ghezzi y i á 17 agn. I viri a San Ciascian y i vá a scora a Bornech, tl lizeum linguistich ”N. Cusanus”. Chësc foss mi cuarto ann, ch’i feji t’America, plü avisa a Sahuarita tl’Arizona.

Poste nes dí en cört co che ara ciara fora dailó? La contrada, le clima, la jënt?
Sahuarita é na picera cité residenziala de 27.000 porsones. Sce an ó fá val’ cun compagns o cumpré val’ de particolar, mësson jí a Tucson, che é öna dles cités plü granes tl stat y ma a 20 menüc da Sahuarita. Döt incëria él plütosc desert cun n gröm de brüsces, mo suradöt tröc cactus. Al é dër cialt döt l’ann, da 30 a 40 gra. Al n’é nia n cialt töme, porchël le soporton valgamia saurí. Mo al é ince da dí che al é indlunch aria condizionada, te vigni botëga, mo ince te ciasa. D’invern êl plü frëit, mo al ê sciöche chiló da nos da d’aisciöda. La jënt é dër valënta y da orëi bun. Ai n’é nia interessá a ci che l’atra jënt pënsa de d’ëi. Ai vir dër söl momënt y se lascia plütosc tó dal consumism: ci che ai adora se cumpri zënza pisimé n momënt.

Tla Val Badia, tla Talia, sunse nos ausá da mangé dër bun. Co é pa la mangiaria laia, ci ciafeste pa insciö?
I americans mangia dër tröpa cern, feter vigni de. Sce an ó mangé ”bun”, mësson jí te n restorant, deache scenó él madër locai olache an pó mangé cern o ”burgers” y pommes de vigni sort. Dal mëteman êl n pü ri da s’ausé ite. Mia ”host mum” cujina dër bun, mo an ciafa mefo tres cern invalgó. Cun la familia vái almanco n iade al’edema a mangé fora y le mangé te chisc locai á tres val’ de arestí.

Döta la intervista ciafëise t’La Usc di Ladins di 14 de aurí.  (Intervista: Pablo Palfrader)