Alta Badia: vandalism cuntra i speedchecks

Data

17 de mei 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl’alta Val Badia él gnü smardacé sö les corones speedcheck, mo ince l’auto dla polizia dl Comun de Corvara. Lapró na scrita püch respetosa y de desprisc cuntra i polizisć.
Él na bravada? O él na ”ragazzata”, sciöche ara é gnüda definida da Franz Dapoz, capo dla polizia locala dl Comun de Badia? A vigni moda él vandalism, ci che é sozedü tla nöt dai 16 ai 17 de ma tl’alta Val Badia. Jënt nia conesciüda á smardacé sö cun spray y corú vërt da pinel deplü corones speedcheck. Tl comun de Badia - nes á cunté Franz Dapoz - él gnü danejé dötes trëi les corones: a La Ila, Badia y San Ciascian. Tl comun de Corvara é le dann ciamó sté maiú, sciöche le capo dla polizia locala Helmut Pescollderungg nes á dit. Iló n’él nia ma gnü smardacé sö n speedcheck a Calfosch y un a Corvara, mo an á ince sprinzé sö l’auto dla polizia de comun, che ê alaleria. Chësc án insciö messü condü tla fujina a lascé puzené jö. Te plü posć é i ac de vandalism acompagná dala scrita ACAB - iniziales che stá por la parora ingleja ”All cops are bastards” - o por ladin: düc i polizisć é basterc.
Sciöche al nes é gnü dit, él te chisc caji i Carabiniers che mëna inant la plüra por le dann a cosses publiches. An porvará cun analises dl corú da ciafé fora olache al é gnü cumpré, y an valutará sëgn ince tan inant che al foss la poscibilité che telecameres metüdes sö tles vijinanzes podess avëi tut sö i auturs de chësc fat desplajor.  (pablo)