Clima scombussolé, ê dejorientada

Data

09 de agost 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Coldiretti dá l’alarm: chësc ann le mez manco mil tla Talia.
Por respogne al debojëgn dla porsona gnaral importé en chësc ann 2 bossi de mil sön 3 tla Talia, scri la Coldiretti, chësc é n record negatif ti ultims 35 agn, da canche al vëgn monitoré chësc setur. La gauja él da ciafé tl tëmp, dantadöt tl frëit tl tert d’aisciöda, che á archité le florimënt.
La ê é n indicadú dl status de sanité dla natöra, y insciö ince dla porsona. Les ês ne dá nia ma ca la mil, ares porta ince inant le stöp dles flus de ciüfs y dles atres plantes. Che ara ne ti vá nia plü bun assá ales ês dess ester n alarm, che zënza ês ne viess gnanca la porsona - é na vedla sapiënza. 
Vigni terz bosse importé tla Talia vëgn dala Ungaria, y le 10% dala Cina, paisc che ne garantësc nia na cualité biologica tla coltivaziun y produziun. Porchël él ince da dí che „mil“ n’é nia dagnora „mil“, y che nostes ês tles munts, dalunc ince dai tosseri dles plantajes dla ordöra (poms), nes dá ion la mil - tan dî che ares é bones da le fá!  (Iaco Rigo)