Premier Gentiloni a Corvara tl’Alta Badia

Data

10 de agost 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Vacanza dl presidënt dl Consëi di Ministri Paolo Gentiloni cun süa fomena Emanuela Di Mauro.

Le premier é ghest dl Villaggio Alpino Tempesti a Corvara, strutöra dles Forzes Armades, che vëgn anuzada por adestramënt dles scuadres sportives militares.

Ince le presidënt de Stat Sergio Mattarella á chirí fora Südtirol desco travert de sües vacanzes feragostianes (al sará plü avisa a Toblach).

Insciö á Südtirol chësc isté n primat da mostré sö: sides le presidënt de Stat todësch Frank-Walter Steinmeier co la canzeliera todëscia Angela Merkel, co dala pert taliana le presidënt de Stat Sergio Mattarella y le premier Paolo Gentiloni, y lapró ince le ex presidënt dla Talia Giorgio Napolitano, á chirí fora Südtirol por trá ite n pü’ d’aria frësca de vacanza!

 (Iaco Rigo)