N zënter pedagogich ladin daimpró ala jënt

Data

10 de otober 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Festa de daurida ofiziala en lönesc, ai 9 d’otober. Lerch y posć por 20 colaboradus
"L’avijinamënt de sorvisc d’öga ala jënt fora por les cités y tles valades é argomënt dl program de coaliziun de chësta legislatöra, y chësc zënter chiló Picolin é n ejëmpl puntual de na te’ arjunta", á dit l’assessur provinzial ladin Florian Mussner en gaujiun dla picia festa por la daurida dl zënter nü tla ex ciasa de palsa a Picolin. Insciö é sëgn operatif n sorvisc implü tl comun da San Martin de Tor, araté le paisc dles istituziuns culturales ladines tla Val Badia y ince n punt de referimënt sozial y sanitar. Por la jënt, tl cajo monü dl Zënter pedagogich plü avisa le monn de scolina y scora, ó dí la realisaziun de chëstes strotöres n avijinamënt logistich - donca sparagn de iadi y lontananzes - y la creaziun de sinergies te na ciasa sora cun sorvisc pedagogics y ince Sorvisc ai Jogn, l’organisaziun "Blanch y fosch" y ince la Ciamena dal guant. Sëgn é i locai arjigná ite, les precondiziuns cheriades, y la motivaziun di colaboradus presënc tl zënter pó porté a de bugn früc che ti vá a bëgn de na valada intiera.

Deplü tla Usc stampada che gnará fora en vëndres!