"De pröma cualité"

Data

05 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dai 20 de dezëmber 2017 inant podess l’organisaziun dla promoziun turistica y dles assoziaziuns turistiches dl raiun Alta Badia ciaré fora atramënter, che iló dessel gní firmé tla ütia Boé Alpine Lounge sura Corvara l’at costitutif por la sozieté nöia "Alta Badia Brand" (na Srl, cun ala pert les 3 Assoziaziuns Turistiches atuales/Consorz Turistich atual, i Implanc portamunt, Copa dl Monn y Maratona dles Dolomites) . Christoph Engl á presenté inier les idees y le conzet strategich por la Merscia Alta Badia (brand Alta Badia).
Do ot mëisc de laur cun l'espert de marketing turistich Christoph Engl dla firma BrandTrust éson ruvá a Corvara a na pröma tapa che dá l’impuls por revoluzioné l’organisaziun turistica tl raiun Alta Badia, cun mëte en pe na sozieté nöia dal inom "Alta Badia Brand". Le moto dla merscia (brand) turistica nöia é: "de pröma cualité", che dess abracé i cin’ punc cardinai dl DNA (carateristiches y potenzial) di badioc: 1) "ladins", 2) "pionieristics", 3) "maestusc", 4) "nobli" y 5) "ambiziusc".

"Sce i sun bogn da realisé chësc proiet, spo sará l’Alta Badia le pröm gran zënter turistich dles Alpes che ará na te’ merscia por na organisaziun strategica tl dagní", insciö l’espert Christoph Engl. La teoria sona bun y euforica, mo por la pratica oraral ester dantadöt orenté y spirit de sinergia, coejiun y colaboraziun te vigni ciamp y aspet dla vita publica, y ince privata.

Deplü tla Usc stampada dodoman, jöbia!

 (Iaco Rigo)