Onoranzes tl ann iubilar di 280 agn dl Cor

Data

06 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le Cor de dlijia de Badia á festejé Santa Zezilia
Le Cor de Dlijia de Badia á cianté la gran mëssa cun tonn particolar de solenité, chësc ince por  rengrazié da fá pert de chësta uniun y da podëi partezipé ativamënter ala vita liturgica dla cöra de Badia. Al é gnü cianté la “Missa a trëi usc” de Michael Haydn y dal ofertore le inn a S. Zezilia de Franz Biebl.  Sciöche da vigni gran festa él ince gnü cianté döes cianties cun le popul, por ti dé a düc la poscibilité da tó pert ativamënter. 
Siur Degan Iaco Willeit á zelebré adöm a Siur Sepl Granruaz da Paracia la mëssa. Siur Degan á deplö iadi sotrissé le valur dl cianté y dl soné, al á rengrazié düc i cors y grups che dëida para tratan les liturgies fora por l’ann, sciöche ince le orghelist che acompagnëia nia ma le cor mo ince le popul dötes le domënies: al á perié da fá inant, da se mëte a desposiziun, sciöche ince invié le popul a cianté. 
A contlujiun dla mëssa á le cor sö da alté ciamó cianté le toch “Segne und behüte”. La presidënta dl cor Susi Pitscheider da Ruac á sport so salüt a döta la comunité, ciantarins y musizisć. Ara á azenté l’importanza da lascé fá onoranzes, che dess ester n sëgn de reconescënza y rengraziamënt, na picia sbürla a fá inant. 

Les set onoranzes

Siur Degan á surandé les  onoranzes a componënc dl cor, che á fat chësc sorvisc cun gran dediziun. Chisc é plö avisa: le ciantarin Pescoller Erich dl Monn por i 55 agn de ativité pro le cor,  i ciantarins Adang Vico da Adan y Nagler Paul da Murin por i 45 agn de ativité, le sig. Valentin Lois da Valgiarëi y les sorus  Cristina Pitscheider y Susi Pitscheider da Ruac por i 35 agn de ativité pro la uniun y la ciantarina Ines Pitscheider da Ruac por i  20 agn de sorvisc al cianté de dlijia.

Deplü tla Usc stampada da indoman!