I ”Ethical Chef Days” indô tl’Alta

Data

29 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La manifestaziun gastronomica ”Care’s The Ethical Chef Days 2018” rovará de jená tl’Alta Badia.
”Care’s The Ethical Chef Days 2018” é na manifestaziun de cater dis che reverda la ciasadafüch de livel alt. La scomenciadia gnará organisada indô tl’Alta Badia, dai 14 ai 17 de jená dl ann che vëgn. Al é la secunda ediziun, ince sce al foss pordërt la terza, deache l’iniziativa á metü man cun na ediziun 0. Pro la presentaziun stada a Milan êl sambëgn le cogo Norbert Niederkofler, trëi stëres Michelin dl restorant St.Hubertus dl hotel Rosa Alpina a San Ciascian, che é ince l’ideadú dla manifestaziun.
Do diesc agn de Chef’s Cup Südtirol, á Niederkofler orü mudé la manifestaziun sotrissan l’etica tl bun mangé y organisé la scomenciadia atramënter. Dai 14 de jená inant rovarál adalerch tl’Alta Badia tröc coghi conesciüs a livel internazional, al ne manciará gnanca en chësc ann les mëses torones por baié de ecosostenibilité, de alimentaziun che vá te na direziun dl respet dl ambiënt y de ci podëi fá por avëi manco refodam tla spëisa.