Vita y pasciun por i schi

Data

02 de jené 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dan da 53 agn á Andrea Comploi d’Al Plan metü man da cuncé schi, ci che ê inlaôta na dërta êrt y al n’ê püc che fajô chësc mistier. I sun jüs a le damané co che döt é nasciü y co che al s’á svilupé cun le tëmp.
La Usc: Andrea, este pordërt dagnora sté n apascioné de schi?
Andrea Comploi: Chël sce, bele da pice insö. I n’â nia ater tl ce co jí cun chëstes brëies. Canch’i gnô da scora jôi atira alaleria cui schi.

Co ciarâ pa fora n pér de schi?

I schi gnô düc fac cun brëies de lëgn dür, desco frasso o hickory. Impröma gnôres metüdes t’ega lorënta por podëi spo les oje sö dant. Sce an â la fortüna da abiné de bun lëgn, romagnô les pizes anfat pro trami i schi, zënza êl le problem che un di schi gnô indô rodunc, spo se ficiâi sambëgn ite. Sot i schi ite gnôl fat na sort de sala y n pez alalungia gnôl ince fat na picia tëta söla piza, por jí plü saurí a nëi frësca. Cantes n’êl degünes.

T’es sëgn passa 50 agn che te laores y cunces schi. Co aste pa pordërt metü man?
Metü man ái dl 1965 da d’altonn. Al ê gnü Erich dal Medo (Kastlunger, pionier di lifc a Al Plan, adr) a damané sce i foss jü a cuncé schi, deache al â l’intenziun da daurí na fujina. Al â bele la botëga, porchël messâl ince arjigné i schi. Chël êl Schorsc (Giovanni Rubatscher) che fajô. Al laurâ da tistler, mo canche al â lëde, da sëra y sura Nadé stôl a cuncé schi y mëte sö atac. Dërt án spo metü man dl 1965. Erich á mené Schorsc ia dla Morotto a Cortina a imparé co che ara jô da cuncé schi, mëte sö cantes y fá ite pizes. Chël ê laota le maiú problem.

Tan costâ pa n pér de schi y tan costâl pa da cuncé na piza?
Sc’i baiun ti agn 70, costâ n pér de schî n pü’ scëmpli danter 30.000 y 50.000 lires. Cuncé na piza gnô sö por 8.000 lires.

Döta la intervista podëise lí t’La Usc di Ladins di 5 de jená 2018.  (Intervista: Pablo Palfrader)