San Salvester t’ospedal

Data

01 de jené 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Gran intervënt a Oies sura Badia, por l’intossiamënt da ossid de carbonium a dann de n grup de turisć. 
San Salvester traumatich y pesoch por n grup de 8 ghesć taliagn che passa les vacanzes de fin dl ann a Oies sura Badia. Sciöche al vëgn reporté dal portal stol.it, él gnü a s’l dé ai 31 de dezëmber da sëra n gran intervënt. Anter les 22.00 y 23.00 á le sorvisc de pröm aiüt messü mené a Oies bëgn 7 ambulanzes por i ghesć che â metü man da se sté dassënn mal. An sospetâ atira n intossiamënt dal mangé. Alarmé él ince gnü i Carabiniers y i Stödafüch de Badia (cherdá dala zentrala ales 23:03). I socoridus dla Crusc Blancia s’un á atira tut sura di paziënc por la pröma assistënza, y i á condüc inant ti ospedai da Bornech y Porsenú. Iló án spo capí la dërta rajun y ara se tratâ de n intossiamënt da ossid de carbonium (les gaujes éson ciamó tl inrescí). Sciöche stol scrí inant, é i paziënc gnüs condüc inant tl zënter iperbarich dl ospedal da Balsan y dess tosc indô podëi gní desmetüs.  (pablo)