I cater filosofs

Data

13 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ester él aldedaincö püch da rí por i inteletuai che á vit para i agn dles revoluziuns studentesches dl 1968.
Salté te n tlap de filosofs che sá da ponsé devënta tres plü rí, mo sce an storj gonot pro te ostaria, spo pora veramënter garaté da odëi ciamó val’ un o l’ater de chisc esemplars. Por la maiú pert s’la cunti de chi agn che ai ê studënc o maestri de scora. Val’ un é ince artist y zipla o dessëgna - por fá plü bela söa vita y la vita di atri. Ester él bëgn sciode che al é tres manco de chisc filosofs te ostaria y tres plü vin te bot - dij l’ostí. Mo ci oste pa fá! I tëmps se müda...

Laota dl 1968 êl da mudé le monn, aldedaincö dl 2018 (50 agn plü tert) él da salvé le monn. Fajun n apel a döt le monn ladin: Sce i odëis inzai n filosof, dijediti che al é ora da se lascé indô odëi inzai... Mo al dess se paré ite les manies y tó le badí tla man, che la revoluziun dl ’68 basada ma söl ponsé é jüda do l’ega fora! Ai â pa bëgn rajun chi vedli comunisć da mëte martel y sojora te so blasun, por che la jënt se recordes da laoré deplü y ponsé demanco! Vives!

Deplü matades da Carlascé ciafëise tla Usc atuala, stampada y online!