Cianties ladines por cors de dlijia

Data

01 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Uniun di Ladins Val Badia scri fora n concurs de composiziuns sacrales cun test ladin por cors. L’iniziativa é ma da laldé y porta pro al’adoranza de plü ladin te dlijia y tla oraziun.
L’Uniun Ladins Val Badia á bele esperiënza de chësc vers: ara á dé fora i ultims diejënns döes publicaziuns importantes: "Cianté ladin por cors" (dl 2012) y "Cianté ladin en compagnia" (dl 2013), intrames metüdes adöm da Iarone Chizzali, André Comploi, Tone Gasser y Bruno Rives. Le grup de laur é sëgn tl arjigné ca na terza racoiüda, en chësc iade cun cianties sacrales por cors. Por arichí le repertore él gnü ponsé da mëte a jí n concurs da scrí cianties cun contegnü religius. Chi che é interessá a tó pert á tëmp cina la fin de jügn 2018. I 3 pesć é de 1.000,00 €, 750,00 € y 500,00 €. Le regolamënt intier, le modul de iscriziun al concurs y propostes de tesć ciafun sön la plata internet dla uniun: https://www.uniunladins.it/concurs-de-composiziuns/