La sfida dl internet asvelt

Data

14 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La SEA cun sënta a San Martin de Tor s’á senté adöm tla reuniun generala d’aisciöda por l’aprovaziun di laurs y cunc dl ann passé. Presidënt Martin Clara: "Bona é stada la produziun fotovoltaica, manco bona chëra idroeletrica"
I mëisc aurí y ma é por tröpes aziëndes le tëmp por fá i cunc söl andamënt economich dl ann passé, mo ince por ciaré danfora y imposté les ativités aladô di debojëgns y di svilups particolars che vëgn docá. Insciö á ince la SEA (Sorvisc, Energia y Ambiënt), na picia cooperativa dl comun da San Martin de Tor che operëia primariamënter tl ciamp dl’energia eletrica, cherdé ite en jöbia, ai 26 de aurí 2018, süa Indunada Generala anuala. Por l’ocajiun él, sciöche vigni ann, ince en chësc iade indô rové adalerch na gran pert di sozi.

L’impëgn crësc cun le svilup

Te sües parores de salüt á le presidënt y iniziadú dla SEA, Martin Clara, porté n valgönes conscideraziuns söla politica energetica en general y é spo jü ite a baié söla situaziun dla cooperativa en particolar. Te so intervënt ál sotrissé che les ativités dla cooperativa vá bun inant, mo al n’á nia orü ascogne ia che l’impëgn vëgn da ann a ann tres maiú. Scebëgn che la SEA á incö na strotöra efiziënta y bun organisada y pó cunté sön colaboradus motivá y competënc, comportera impó n gran impëgn y tres na majera profescionalité tl manajamënt.

Deplü tla Usc stampada!  (Iaco Rigo)