Corvara: nou sëch al SPRAR

Data

25 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na manifestaziun tlera dl Consëi de Comun de Corvara cuntra l’assunziun de migranc tres le sistem statal SPRAR. Danter les motivaziuns le tratamënt general dla Provinzia de Balsan ti confrunc di comuns.
Le vëndres ai 25 de ma dales 9:00 êl söl program na reuniun dl Consëi de Comun da Corvara, cun dui punc al ordin dl de. Danter chisc ince l’adejiun al sistem statal SPRAR por l’assunziun de muciadus. Sciöche i un podü documenté, á i comuns da La Val, San Martin, Mareo y Badia dit de scê a n grup de migranc. A Badia êl sté na lîta sfadiosa, che á ala fin albü na maioranza lisiera por le scê. Atramënter éra jüda a Corvara, olache le Consëi á dit n nou sëch. Bëgn 10 aconsiadus - danter chisc ince l’Ombolt - á dit de nou al SPRAR, cuntra i cater che é stá a öna. L’Ombolt instës ne n’á fat degun apel por le scê o le nou - sciöche al â bele lascé alsavëi danfora. Te Consëi él dl ater vers gnü fat na discusciun lungia, sota y ince informativa. Tl Comun da Corvara nen jôra da tó sö trëi porsones, mo al foss falé da dí che le nou de Corvara vá ma cuntra i migranc. Al é n nou che á motivaziuns desvalies. Corvara ne n’é nia a öna cun la presciun da pert de Balsan, da taié i contribuc a chi che dij de nou al SPRAR. Y por Corvara nen vára de cotan de scioldi: l’Ombolt Rottonara baiâ t’La Usc di 4 de ma de ”n miliun de euro pordüs”.
Corvara ne n’é gnanca a öna cun le sistem y tratamënt general da pert dla Provinzia. Por nominé valgügn argomënc, pón anunzié chestiuns de autonomia finanziara, l’eliminaziun di contribuc turistics por les localités cun n svilup turistich dër alt, sciöche ince i intardiamënc tla realisaziun dla fira otica.

Deplü tla Usc di Ladins stampada te otedé!  (pablo)