N bel suzes por les scores altes da La Ila

Data

09 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La terza classa dl istitut tecnich ecnomich da La Ila á tut pert por le cuinto iade al proiet ”Camp For FabLab”, organisé dala IDM tl parch NOI-tech da Balsan. En chësc ann á i studënc condüt a ciasa la belëza de 8 pesć sön 12.
Les scores altes da La Ila á ince iniann tut pert al proiet ”Camp for FabLab”, proiet a livel provinzial, nasciü por promöie l’alternanza scora-laur. I studënc â le compit da svilupé na idea imprenditoriala che se damana n investimënt bas por mëter man cun n’ativité y che ess la poscibilité de marcé. I studënc dla scora da La Ila é gnüs partis sö te cater grups da 5 porsones, che á düc svilupé idees dër originales. De chësta minunga é ince la juria dl proiet, che ti á surandé bëgn 8 pesć sön 12. Na gran sodesfaziun por i studënc y les studëntes, mo ince n prestisc por döta la scora.

T’La Usc di Ladins di 8 de jügn podëise lí do ci idees che i studënc á albü.  (pablo)