Liberté bëgn, mo cun respet

Data

10 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tla palestra da s’arpizé ”Ciastlins” daite d’Al Plan án invié ia n’aziun por sconé la pêsc dl variöl da sas y la ligrëza di arpizadus; chësc dess impormëte na miú convivënza danter tier y porsona.
Danter i sporc alaleria che á ti ultims agn ciafé tres plü fle, alda sigü ince chël da s’arpizé. Ince tla Val Badia él gnü arjigné tles palestres parëis da s’arpizé o cinamai frabiché sö hales da boulder. Por tan beles che ares sides, ne pó chëstes strotöres indere nia avalié l’emoziun, la belté y l’adrenalina che an sint da s’arpizé sön le parëi de n crëp, amez la natöra, la buna aria, le chît. La natöra ne n’é indere nia ma raiun de tëmp lëde por la porsona, ara é dantadöt habitat por na gran cumpëda de tiers. Alüsc él ecuilibri dër sensibli y al pó nasce situaziuns de conflit danter tier y porsona, olache le tier tira baldi gonot ala cörta. N te’ caje án p.ej. tla palestra da s’arpizé ”Ciastlins” daite d’Al Plan de Mareo. Ara é dër aprijada y é de un n vers travert por cënc de arpizadësses y arpizadus, dl ater vers él rodunt iló na copia de variöi da sas che á sü posć da coé fora y insciö le zënter de so revier. Le AVS - Alpenverein Südtirol y l’Ofize Parcs Naturai á porchël metü en pe n proiet y é jüs ala chirida de soluziuns, por ti impormëte ala porsona süa ligrëza da jí a crëp y ai tiers la santa pêsc che ai adora por vire y crësce.

Deplü sön chësc proiet y le contignü ciafëise t’La Usc di 13 de messé  (pablo)