”La musiga é val’ che t’armöi daite”

Data

12 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na usc y n cör che bat por le jazz: chësta é la ciantarina y composituria Lucia Kastlunger d’Al Plan. Süa usc é demorvëia bela y ara la lascia aldí te deplü grups musicai. Un de chisc é le grup  ”dimonic”; tosc presentarára impara so pröm album, dal titul ”Me & You”, cun conzerc ince tla Val Badia.
La gran pasciun de Lucia Kastlunger é la musiga. Na pasciun che é deventada cun le tëmp ince süa profesciun. Y ponsé che döt â metü man pordërt atramënter. Do les scores d’oblianza ára fat la scora d’ert ”Cademia” a Urtijëi, olache ara á arjunt la maturité. Chi agn ára metü man da se dé jö plü avisa cun le monn dla musiga y suradöt chël dl jazz, che l’á apascionada da atira. Chësc ”pröm” amur la condujará spo ti Paisc Todësc a studié y se formé inant: 3 agn a Minca y 4 agn a Nürnberg. Incö é Lucia Kastlunger ciantarina, pedagoga y musizista. Ara roda fora por les scores a tigní workshops por mituns y jonins, por descedé te ëi chël ritm che coa pordërt bele da canche i gnun al monn.
Lucia n’ó nia se lascé mëte te na scatora musicala. Dlungia jazz ciantera ince d’atri genres, y ara fej pert dles bands plü desvalies. Öna de chëstes á inom ”dimonic”, y tosc s’arjignera da presenté impara so pröm album, dal titul ”Me & You”. Por la presentaziun él söl program na tournée te plü posć de Südtirol, danter chisc ince trëi ocajiuns tla Val Badia. Lucia é gnüda a nes ciafé te redaziun. Cun ëra unse baié de süa pasciun por la musiga y sambëgn ince dl album nü.

Liede la intervista ch’i ciafëis t’La Usc di Ladins di 13 de messé 2018  (pablo)