“Nos dai strudli”: canche tradizional y modern se liëia

Data

09 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ince en chësc ann s’á n gröm de apascioná dl strudl incunté tl zënter de Badia por ciarcé les creaziuns y interpretaziuns nöies de chësta duciaria da pert de önesc ostis de Badia
En mercui, ai 25 de messé, é le zënter dl paisc de Badia gnü saré al trafich tl tert domisdé, por i lascé lerch al evënt “Nos dai strudli”, che é en chësc ann rové bele ala terza ediziun. I önesc ostis che fajô para s’á abiné danfora y á destenü sües postaziuns fora por le zënter de paisc por i pité ai ghesć, y ince ala jënt dl post, na bela serada olache ai á albü la poscibilité da ciarcé de vigni sort de strudli, vignun passené cun n bun gote de vin. La Jonëza da Paur de Badia ofrî la poscibilité da cumpré de vigni sort d’atres boandes. Na beliscima sëra d’isté cun temperatöres da sté saurí y sambëgn ince la cornisc naturala cun i i crëps de ciasa incëria á daidé cherdé adalerch tröpa jënt, che s’á godü na bela serada spaziran sö y jö por le zënter de paisc, stan te compagnia cun n bun to’ de strudl y n bun gote de vin, se godan ince la cornisc musicala dla band The Jam’son, che pitâ de vigne sort de musiga da sbunf.


Deplü podëise lí do tla ediziun stampada de La Usc di Ladins da indoman!