La tradiziun dles tlocheradures

Data

12 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le vëndres dan les segres, chëra d’La Pli, chëra d’Al Plan y chëra de munt te Mareo, él da vedlamënter incá les tlocheradures sön tru. Chi d’La Pli da Mareo é indô stá dan otedé ia Al Plan a tlocheré
L’usanza ó che i jogn dl paisc dlungia (tl cajo dles segres d’La Pli y Al Plan) se mëtes adöm da sëra te n bel grup de strumënc, se vites sö ala vedla y pëies ia da ciasa a ciasa - dantadöt olache al é crafuns y jones. Dan porta sonon y cianton cina che al vëgn daurí. Do na nöt de slondernamënt fora por paisc y chës viles, röia les tlocheradues söla doman a ciasa - mo storj ciamó pro te so paisc denanco jí indalater por se partí i crafuns che ai á te ciostun o n sach de drap. Te chël momënt pol ester assá che al ti sciampes na viva cun "Nosta la Segra!" a un o l’ater, ince sce la segra ti alda al paisc dlungia!

La ciantia di crafuns

Cianté, y en pert ince soné, vëgnel te chësta ocajiun la ciantia di crafuns. Ara é gnüda metüda adöm laota da Amando Alfreider, y tol ite döes strofes. Le test descrí avisa a na manira teatrala les intenziuns dles tlocheradures, y te n dialogh se portera pro che i crafuns passa da na man al’atra... "Ciarede, dijede, sce ai n’é nia garatá?... plü bi ch’ les flus de ma!" I reportun les döes strofes: "Ai dij che i ëis fat crafuns, da i ’n dé a düc assá, porchël suns’ gnüs a odëi, sce ai é bëgn garatá. Crafuns uns’ nos assá. Spo denen mefo ca! Tolede, mangede cina che i n’ëis assá. Dilan, Idî s’l pais’! Les cioures vá a chirí fonguns y nos mangiun crafuns. Trala, trala, tralalalala… Al é jü sö n te’ föm, al n’é no grisc no bröm, spo unse damané, ci sëgn che chësc é sté. Ai dij che chësc é n sëgn che düc conësc dër bëgn. Ciarede, dijede, sc’ ai n’é nia garatá? Plü bi ch’ les flus de ma! Godess’la denanco la finí, spo junse a dormí. Trala, trala, tralalalala..."