"Cool summer" y "My summer" 2018

Data

12 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Deboriada podunse indô ciaré zoruch a n isté garaté deplëgn
"Cool summer" y "My summer": dui proiec da d’isté che vëgn metüs a jí dal Sorvisc ai Jogn por düc i jogn y jones dla Val Badia. La gran novité da en chësc ann é dessigü sté le proiet "My summer". Chësc proiet é nasciü do la dezijiun da partí sö düc i proiec n pü’ atramënter. I un podü odëi ti ultims agn che la desferënzia d’eté é gonot stada massa grana. I interësc y i debojëgns se desferenziëia datrai dassënn aladô dla eté y por podëi ti jí damí adincuntra a düc i interesc, unse tut la dezijiun da partí sö nüsc proiec insciö: 
"Isté deboriada" - dala 1a classa dla scora elementara ala 4a classa dla scora elementara
"Cool summer" - dala 5a classa dla scora elementara ala 2a classa dla scora mesana
"My summer" - dala 3a classa dla scora mesana ala 2a classa dla scora alta. Le proiet "My summer" é insciö gnü lapró y é sté porchël na novité.

Por organisé y programé bugn nüsc proiec unse ince en chësc ann tut sö animadus che s’á cruzié da chirí idees por ativités interessantes. Por i proiec "Cool summer" y "My summer" unse tut sö bele cun i pröms de novëmber trëi animadus: Lucia Erlacher y Sofia Castlunger d’Al Plan y Samuel Agreiter da La Pli. Deboriada unse spo ciaré ci ativités che an podess mëte a jí y che corespogn ai interesc di jogn. De jená unse spo albü les idees bindebó tleres, cun chëres che i un spo podü lauré y publiché ince te nosta brosciüra "ISTÉ18". Indöt unse metü a jí 24 edemes de proiet olache les ativités é stades da tröpes variaziuns. I un pité sides cursc da cujiné co ince edemes de sport, de bal, de film, de estetica, edemes creatives, de musiga yii. I un pité sides edemes cun referënc esterns, sciöche ince edemes olache nüsc animadus á albü la coordinaziun y é intësc stá i referënc. Dër damanades é intres les edemes olache an stá suranöt y porchël nen unse metü a jí cater: iade fora por Südtiol, al’isola d’Elba, edema te ütia y al Garda. I un ince metü a jí edemes ma por mituns co ince edemes ma por mitans olache i orôn ince dailó ti dé la poscibilité sides ai jogn co ince ales jones da podëi ester danter ëi y fá na ativité plü tipica da ël o ëra.

Deplü tla Usc stampada dodoman!