Sëdesc jites che á plajü

Data

18 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le KVW de Badia á stlüt jö les jites da jí a pe cun n bel de d’altonn en mercui ai 12 de setëmber. Indöt él gnü fat 16 de bi iadi, 5 d’invern y 11 d’isté
Paula Piccolruaz nes scri en inom dl KVW de Badia, ara nes cunta dla ultima jita - chëra che á stlüt jö le program di iadi dl ann 2018: "I sun jüs cun la coriera fina a Tils sura Porsenú. Sön la spazirada da Tils a Feldthurns se unse fermé pro la dlijia da Tötschling, Johannes-Kirchlein, por tigní na funziun de rengraziamënt sintida. I un indô podü stlü jö zënza che al sides suzedü desgrazies, y i un ince albü na gran fortüna cun le tëmp. Iaco á salpü da antizipé y sposté les escursciuns aladô dles previjiuns. N bel numer á indô tut pert. Al nes á salpü dër bel da odëi tröpes contrades y da sté adöm:
jí fora por la natöra fej bun,
sté en compagnia fej bun,
lascé i pinsierz por n dé a ciasa fej bun;
porchël vá l’invit a düc chi che á la poscibilité da tó pert ince por i agn che vëgn.
A Tschiffnon che toca pro Feldthurns, tla ustaria Wöhrmaurer, unse passé n valgönes ores de aurela cörta pro na bona marëna.
N gran giulan ti va a Iaco y Giuvana che se tol na gran bria por organisé döt ala perfeziun y giulan ince a nosc ciafer Hubert che é dagnora a desposiziun por nostes esigënzes. Al se condüj sigü fora por beles y burtes strades. Nos se confortun bele a n ater ann!"