Ma bun ch’al é i volontars...

Data

05 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I 5 de dezëmber é le de internazional dl volontariat. Tl Südtirol él passa 150.000 porsones che se dá jö tl volontariat

Che al sides la Musiga, i Stödafüch, l’Aiüt Alpin, la Crusc Blancia, le Sport, la Dlijia, la Jonëza o la Jënt de tëmp... te n gröm de ciamps é le volontariat deventé essenzial, o dit atramënter: sce al ne foss nia i volontars, ne stess tröpes lies gnanca en pe. Te Südtirol sunse de chësc vers tera santa. Passa 150.000 porsones de nosta provinzia se dá jö cun ativités de volontariat, dij la Provinzia te n comunicat, mené fora en gaujiun dl De Internazional dl Volontariat ai 5 de dezëmber. I volontars é porchël n pilaster de nosta sozieté, jënt che dá ca so tëmp lëde a bëgn dla comunité a bëgn di atri. N valur che an dess tigní alalt, te na sozieté olache al vëgn tres deplü ghiré y fat i cunc, mosoran ci che al salta fora. Le Presidënt dla Provinzia Arno Kompatscher dij insciö: ”Te n tëmp olache al vëgn metü al zënter la concorënza, le suzes y l’individuum, él bel da odëi che le volontariat de Südtirol florësc dötaurela”. Tl volontariat vëgnel trasmetü valurs importanc sciöche la solidarité, le tigní adöm y le spirit de grup, ci che vá a bëgn de vigni singul y de döta la comunité - dij le comunicat, olache al vëgn ince alzé fora l’importanza che les assoziaziuns y organisaziuns volontares pois lauré cun sigurté ince dal punt d’odüda legislatif, porchël vëgnel lauré por scemplifiché les prozedöres y alisiré le laur volontar. 

 (pablo)